تأجيل القمه العربيه الطارئه بالقاهرة
لماذا القمه بين ترامب وبوتين بالرياض ؟؟؟
مصر ماذا تفعل الآن ؟؟ وأسباب الاطمئنان ؟؟
اعلن الأمين العام المساعد للجامعه العربيه منذ ساعات تأجيل القمه العربيه لاسباب لوجستية وعدم مناسبة جداول مواعيد بعض القادة للتوقيت.وان مصر فضلت التأجيل من اجل حضور أكبر عدد من القاده للقمه ( لأهميتها )…….. ده المعلن والرسمى.
اما الحقيقة كالاتى : عندما تكون الظروف طارئه جدا تؤجل القمم فى حاله واحده فقط ( عدم التوافق على القرارات النهائيه المقترحه) من الدوله التى دعت لعقد هذه القمه الطارئة.
وهذا امر طبيعى جدا لان اى دعوه لقمه طارئه يسبقها تنسيق من الدوله صاحبة الدعوه مع ال ٢١ دوله عربيه الاعضاء بالجامعه العربيه.
وميثاق الجامعه العربيه يشترط الموافقه بالإجماع على اى قرار يخرج من القمه ( وهذا اكبر نقاط ضعف جامعة الدول العربية )
لان ببساطه مصالح الدول مختلفه واعدائها مختلفين واهتماماتها مختلفه.
وكافة التحالفات الدوليه التى تؤسس لتنجح دائما وابدا ميثاق التأسيس لايوجد فيه القرار بالاغلبيه اما النصف + ١ واما الثلثين وهكذا لذلك يتضح ان الانشاء منذ البدايه كان رمزى وليس عملى وظلت على هذا المنوال حتى الان.
نعود للحدث الابرز غزه/القضيه الفلسطينيه:
طبيعى ستختلف السعوديه ( وهذا منطقى طبقا لمصالحها وعدائها مع ايران / ذراعها حماس ) على استمرار حماس او حصول حماس على اى نقود او مخصصات لاعمار غزه ( والحقيقه محدش عنده استعداد يدى مليم لا لحماس ولا للسلطه الفلسطينيه ).
وبالتالى تعتمد مصر فى كل مقترحاتها على اعمار غزه بصندوق دولى / عربى يمول اعادة الاعمار وانتهت مصر بالفعل من تجهيز لجنه لادارة القطاع بل واعلنت رسميا ان حماس ستكون خارج هذا اللجنه ولن تشترك فى ادارة غزه ( وطبعا كل الدول العربيه مش مقتنعه ولامصدقه ده ) وكلنا كمصريين كده.
وفى خلاف تانى عميق ان مفيش اى سبب يمنع بعد صرف المليارات زى كل مره حماس تختلق شئ جديد ( وتصبح مليارات الدولارات اترمت تانى فى الارض ) الحقيقه مصر امام معضله كبيره جدا جدا جدا : لو متمش الاتفاق وبقوه على قواعد واضحه وراها كل العرب والدول الاسلاميه لوقف الحرب وتعمير غزه وسحب كل الذرائع وقطع كل الطرق على نتنياهو وترامب هتروح مش بس غزه ( لا فلسطين كلها والقضيه الفلسطينيه ).
والمشكله الثانيه ان فعليا محدش متعاطف لامع الفلسطينيين ولا القضيه الفلسطينيه :
= لانقسام الفلسطينيين وتشرذمهم
= ولاصرارهم على الانقسام رغم كل المأساه اللى هما فيها = وللعماله والخيانه الهائله لفصائل فلسطينيه ومسئولين= وللفساد الهائل وسرقة مئات المليارات مساعدات على مدار اكتر من ٧٠ سنه = وبسبب المشاكل اللى بيسببها الفلسطينيين على مدار ٧٠ سنه بدول المهجر الموجودين فيها ( مشاكل كبيره جدا ) عماله وخيانه وجحود وكأن استقبالهم وعيشتهم على ارض الدول العربيه ده فرض عليهم وكراهيتهم الشديده لاهل هذه الدول
واخيرا لان الفلسطينيين على مدار شهور وجهوا سباب وسب ولعنات على كل حكام الدول العربيه وكمان على الشعوب العربيه بشكل هائل
مشكلة الشعب الفلسطينى وبالأخص شعب غزه : شعب غزه الغالبيه العظمى منه عندهم انفصام فى الشخصيه والافكار من ناحيه مش شايفين حماس اللى هيا منهم السبب فى كل المأساه اللى هما فيها لكن شايفين العرب هما السبب فى الكارثه دى وشايفين العرب تخلوا عنهم رغم ان ببساطه مش منطقى تروح تقوم بعملية طوفان الاقصى بقرار منفرد دون تنسيق مع اى دوله عربيه ودون موافقة اى دوله عربيه واما الدنيا تخرب وإسرائيل تولع فيكم تقولوا فين العرب؟؟ ( وليه مش بتحاربوا نيابه عننا ؟؟؟) ده غير طبعا السباب والاتهامات التى طالت مصر وتستمر ضد مصر وشعبها طوال الوقت مهما قدمت مصر
تنجح مصر فى تثبيت وقف الحرب يهللون لمصر تعود إسرائيل للحرب ( يسبون مصر وشعبها وجيشها مباشرة ) قمة الجحود وقمة التلون والتغير فى المواقف
بالتالى مصر فى موقف معقد جدا :
والحقيقه المجرده اننا كمصر لانستطيع القاء اللوم على احد فكل له مصالح شعوبه ودولته وهو يضعها فى المرتبه الأولى قبل كل شئ بما فيها الفلسطينيين وقضيتهم
خاصة وان اكثر واكبر مادمر القضيه الفلسطينيه هم الفلسطينيين انفسهم قيادة ومقاومة وشعبا …متوقع ان تستطيع مصر ان تنجح فى موقف وسط يوافق عليه الجميع وينقذ الفلسطينيين والقضيه الفلسطينيه
هل تعتقدوا ان تم النجاح وبدأ اعمار غزه ينجح الفلسطينيين فى انهاء انقسامهم ام تعود حماس لضرب صاروخين تلاته فى الهوا ويعود الفلسطينيين لنقطة الصفر المتكرره منذ ١٨ عام ؟؟؟؟
لماذا القمه بين ترامب وبوتين بالرياض ؟؟؟
لان ببساطه السعوديه ليست عضوا فى المحكمه الجنائيه الدوليه بالتالى يستطيع بوتين التوجه اليها دون ملاحقة قرار المحكمه الجنائيه الدوليه ..وبرضوا ما يمنعش زيلينسكي ياخد قرشين ويكمل بيع نفسه ويمضى طبقا لرأى ترامب وما يمنعش الخليج يدفع شوية مليارات لاعادة اعمار أوكرانيا للطرفين بوتين/ زيلينسكي بالتالى اللقاء مناسب جدا فى الرياض ( وفى وسط خزائن الخليج )
وطبعا هنا هيدفعوا مئات المليارات عادى جدا بدون اى مصالح او فوائد لهم رغم ان اعمار غزه بالنسبه ليهم ملاليم ( بس هنا يقولوا ثروات شعوبنا ومصالح دولنا وشعوبنا وشعارات قمه فى النفاق)
فهمتوا ليه فى التقرير جبنا الموقفين ورا بعض
تأجيل القمه العربيه ومقارنتها بالقمه بين ترامب وبوتين بالرياض
وطبعا السعوديه كانت كشرت كده شويه اما ترامب فضل يفضحها يوميا عشر مرات عن مكالمته والتريليون اللى هتدفعه ( والسعوديه موقفها كان محرج جدا امام شعبها والعالم كله الحقيقه ) وخرجت عبرت عن ده بتصريح وزارة الخارجية السعودية القوى برفض التطبيع مع إسرائيل وكمان وقفت كل خطوات التريليون دولار طبعا لو لاحظنا كلنا ترامب امتنع تماما عن الكلام فى الموضوع ده ومكررش الحديث عن مكالمته مع ولى العهد تانى ومجبش سيرة التريليون دولار تاتى وارسل وزير خارجيته يصلح الامور وبيضرب اكثر من عصفور بحجر ( والسعوديه طايره من الفرح ان اهم قمه عالميا هتعقد فيها )
واحتمال كمان يتم عقد قمه بين ترامب ورئيس الصين فى نفس الوقت فى الرياض
وعلى فكره ده شئ جميل جدا والله
لان تريليون دولار مبلغ كبير جدا جدا جدا ممكن ترامب يرقص فى السعوديه بيه كان بيرقص فى حملته الانتخابيه عشان تبرع بمليون دولار من ايلون ماسك وراح زائر فى اربع مرات اطلاق صواريخ فى شركة ماسك
مصر ماذا تفعل الآن ؟؟ وأسباب الاطمئنان ؟؟
الاطمئنان لان مصر عارفه كويس بتعمل ايه اليوم ترامب اعلن ان اميركا تواجه وضع غير مسبوق فى افريقيا وان نقطه رئيسيه هامه عودة اميركا لافريقيا وده يستدعي حوار مباشر مع بوتين ( وعودة علاقات قويه مع حلفاء اميركا من الدول القويه فى افريقيا واهمها مصر وجنوب أفريقيا ) ودى ورقة ضغط كررتها فى تقارير سابقة...
ثانيا : الاطمئنان لان مصر شريفه مش هتخون الفلسطينيين اللى بيخونوا نفسهم من الاساس وهتفضل باقصى طاقتها تساعد وتقاوم مخططات ترامب/نتنياهو وباذن الله ربنا هيقدرنا وننجح
( لكن قولا واحدا دون مجاملات وتصريحات متخلفين حنجوريه ليس على حساب مصر وشعبها وجيشها واقتصادها ) ايا كانت الظروف ( يعنى بكل وضوح دفعت فلوس اعمار ومساعدات اهلا وسهلا مدفعتش هنعمل ما باستطاعتنا طبقا للمبلغ الذى سيتم جمعه دوليا وعربيا واسلاميا )
ثالثا : بنقول اطمنوا لان للاسف شايفين حمله هائله من اليوتيوبرز واصحاب صفحات الفيس ( الوطنيين للأسف ) حمله مضلله وغير موفقه بالمره بصراحه : يوميا بيتكلموا ان مصر هتحارب ( وهذا احتمال بعيد كل البعد عن الواقع قولا واحدا علما ومعلومات وواقع وتحليل استراتيجى لموقف إسرائيل وجيشها وشعبها والاوضاع بالداخل الاميركى والشرق الأوسط كله وعالميا واوروبيا ) فكرة صراع مباشر مع مصر تكاد تكون شبه مستحيله حاليا ومستقبلا كل يوم تلاقيهم بيدوروا فى الصحافه العالميه مين بيقول حرب مع مصر ويطلعوا يصولوا ويجولوا فى الكلام عن الحرب
اليوم من دقائق بسيطه برضوا نفس الشئ بينقلوا من تقرير لصحيفه اسرائيليه عن احتمال نشوب حرب مباشره وان مصر ( كالمعتاد هتحارب اميركا كمان مش إسرائيل ) بالذمه ده كلام ؟؟؟ بتروجوا وتساعدوا فى الحرب النفسيه الاسرائيليه ؟؟؟ ضد شعب مصر ياعالم ياجهله ( ياللى معندكوش بمليم علم ) الصحف الاسرائيليه حتى فى عز السلم والهدوء لم تخلوا يوم عن مقال يهاجم مصر او يتحدث مع حرب معها
إسرائيل قائمه دستوريا على ارض الميعاد من النيل للفرات ايه الجديد فى الحديث عن الحرب ( عشان تطلعوا تتكلموا عن صحف اسرائيليه وعن الحرب ؟؟؟)
عشان زفت تريند وشير ولايك ومتابعه اصبحت مقززه وتقرف وهيا اما دوله بتكون متأكده انها داخله حرب بتطلع تهلل وتقول داخلين حرب وتفزع شعبها وتوتر الاسواق وتعمل بلبله ؟؟؟؟ وتفضل شهور تتكلم عن الحرب اما تدمر صحة شعبها النفسيه ؟؟؟ وقلنا ببساطه لو وصلت الأمور لحرب نحن لها جيش قوى محترم و ١٢٠ مليون وحوش امام دوله مترنحه غير قادره على الاستمرار فى حروب ( ولا اميركا ولا شعبها هيسمح بحرب هائله هناكل مليون او اتنين مليون اميركى هنفرمهم هنا واحنا مش هننقص مواليد سنه واحده هتعوض كل خسايرنا فى الحرب ) ورغم كل اليقين ده فى الله ثم فى بلدنا وجيشنا للمره الالف الحرب ابعد ماتكون عن مصر
يا احبائى الاعزاء ارجوكم لصحتكم النفسيه :
فاكرين وقت كورونا واد ايه ناس ويوتيوبرز كانوا يوميا بيقولوا العالم هينتهى وكلنا فى مصر هنموت ؟ كنا هنا بنطمنكم وبنقول التاريخ والعلم والمعلومات وقبل كل ده اليقين فى ربنا
مش هيحصل ولاحاجه من سيناريوهات الشؤم وهنرجع تانى نخرج ونفرح ونحضن ولادنا واهلنا ونفرح ونعمل افراحنا ونتجمع ( مش ده اللى حصل ؟ طيب اما قامت حرب ليبيا وتدخلت تركيا وحطينا الخط الاحمر برضوا الجهلاء خرجوا وقالوا مصر هتحارب وهنحارب اميركا اللى وراء تركيا وهننهار وهندمر
وقلنا الخط الاحمر محدش هيلمسه ومحدش هيجروء؟؟ ومفيش اى حرب والامور هتهدأ كمان تماما ( حصل ايه ؟؟؟؟) وفى هدوء وبدون توتر طيب واما قامت حرب وكارثة السودان ( الهائله ومازالت هائله )
نفس الاسطوانات هنحارب والدنيا رايحه فى داهيه وجنودنا اتقتلوا وجنودنا اتأسروا ومصر منظرها وحش واحنا ضعاف ومليون حاجه
= قلنا متقلقوش محدش من ابطالنا هيتخدش
= واتحرر ابطالنا وعلمنا على حميدتى وصفينا كل قواته اللى دخلت قاعدة المروى
=وكانت مصر اول واكبر دوله تخلى جاليتها
وجاليات ٧٢ دوله أخرى حول العالم منها كل الدول الغربيه دون استثناء = والحمد لله مدخلناش حرب وسيطرنا على حدودنا وساعدنا كمان السودان ميسقطش خالص وباذن الله يستقر السودان بالف خير ( وكل السودانيين يرجعوا بلدهم )
وحرب غزه منذ ١٧ شهر سابق :
من الثانيه الأولى طلعوا وقالوا مصر هتحارب ( قلنا لا مغيش حرب )
تم حشد حاملات الطائرات واكتر من ١٠٠ قطعه بحريه وعشرات الالاف من الجنود والاف الطائرات وخرجوا كل اليوتيوبرز وقالوا جايين عشان مصر وهنحارب
( وقلنا اطمنوا مفيش حرب ومحدش يقدر يلمس مصر متخافوش ) ومحدش لمس مصر
وكل يوم من بداية حرب غزه ( مصر دائما وابدا فى جمله مفيده ) وكل يوم بنقول ليكم الحقائق وبنطمنكم
عشان خاطرنا ابعدوا عن التوتر والحرب النفسيه اللى بيسببها الجهلاء بجهلهم وبالحديث عن الحرب طول الوقت
( وهنا هنقول بصدق كل الاخبار وحشه كويسه بنقولها زى ماهيا ) عشان كده بنقول اهدوا واطمنوا
واللى تلاقوه حاطط عنوان حرب ولا بيتكلم على حرب متسمعوش مش معقول يوميا ليهم شهر كل يوم تقرير والموضوع واحد ( مصر هتحارب ) ربنا يصلح حالهم
عشان نفهم فى حاجه اسمها مبدأ الردع والتلويح بالقوه للتهديد وتحقيق مكاسب سياسيه او غيرها وبيكون هدف رئيسى (يمنع الحرب) مش معنى ابدا تصريحات مصريه او تحركات عسكريه معناها اننا رايحين نحارب ( ف بلاش ارجوكم تسيبوا نفسكم للمتحدثين عن الحرب والسواد على الدوام)
ومصر تسير بشكل جيد سياسيا واقتصاديا وعسكريا وفى كل ملفاتها وباذن الله تقرير كامل سنتحدث به عن الاقتصاد المصرى والعالمى قريبا حفظ الله مصر وشعبها بخير وتقدم وأمان والحمد لله رب العالمين .
إحمدوا ربنا …… وإذكروا الله كثيرا لعلكم تفلحون.
تعليقات
إرسال تعليق